“Fisnikët” ftohen në “Top Fest”

Një thirrje e bërë nga televizioni “Top Channel” drejtuar rok
grupit të mirënjohur kosovar “Fisnikët”, ka bërë që djemtë e këtij
bendi t’iu rikthehen festivaleve.Ka shumë vite që ata nuk
kanë qenë konkurrentë në festival, ani pse pjesëmarrja e sivjetme në
festivalin “Top Fest” në Shqipëri vjen për një arsye të ftesës së bërë
nga organizatorët dhe për hir të publikut, që gjithnjë i mirëpret.
“Ne fillimisht nuk kemi marrë pjesë asnjëherë në festivalet e tilla
në Shqipëri. U përgjigjëm pozitivisht për shkak të ftesës, por edhe për
shkak të fansave tanë”, ka treguar për “InfoPress” këngëtari i grupit
Agim Gërguri.
“Pas një ftese të bërë nga Top Chanel, vendosëm që të marrim pjesë në
festivalin e sivjetmë Top Fest. Këngën e kemi përgatitur dhe tashmë e
kemi dorëzuar atje. Më përpara kemi marrë pjesë në festivale, por jo
edhe aq shumë, pasi jemi grup i formuar vite më përpara dhe kemi menduar
që t’u lëmë hapësirë të rinjve”, ka pohuar Gërguri më tej.
Ai rrëfen se kënga konkurruese në festivalin ‘Top Fest’ shoqërohet nga një tekst me temë dashurinë.
“Është një tekst i dashurisë. E vërteta është se gjithnjë filloj të
shkruaj për diçka e në fund del krejt diçka tjetër”, ka thënë Gërguri..
Ndërsa sa i përket çmimeve, lideri i grupit “Fisnikët” ka treguar se për ta nuk janë edhe shumë të rëndësishme.
“Ka qenë para shumë vitesh pjesëmarrja në një festival në Gostivar.
Patëm marrë vendin e tretë, por këto nuk i shikojmë aq shumë. Këngët
tona po dëgjohen përmbi 30 vjet, kështu që vetë kënga tregon, nuk ke
nevojë për një pjesëmarrje në ndonjë festival”, ka përfunduar Agim
Gërguri. /Telegrafi/