Babuka në Top Fest

Këngëtari Besim Gashi i njohur si Babuka nuk është një këngëtar
që merr pjesë shumë nëpër evenimente të ndryshme muzikore, por kur bëhet
fjalë për festivalin “Top Fest” ai nuk mund të refuzojë. Babuka së
bashku me Leonard Canhasin- Nardin do të marrin pjesë për herë të dytë
në këtë festival.“Herën e parë kemi qenë në ‘Top Fest 6’,
ndërkaq siç na kanë njoftuar këtë herë do të përformojmë me datën 8 mars
në këtë festival”, ka thënë Babuka për Zëri.
Bateristi i njohur tregon se kënga është e zhanrit etno-pop, rok-xhaz dhe ka përmbajte për gjendjen sociale të vendit tonë.
“Kënga është punuar me instrumente ‘live’, titullohet ‘Hajdeni shokë’
dhe është e shkruar nga unë, dhe dorën e fundit ja ka dhënë Mit’hat
Sadiku”, ka treguar ai, duke shtuar se kënga nuk është komerciale.
“Kënga është shumë artistike. Ne më shumë e kemi bërë këtë këngë për
dëshirën tonë se sa të ketë ndonjë jehonë të madhe në publik. Ne nuk
shkojmë për të marrë çmim atje, thjesht dëshirojmë të lansojmë këtë
këngë meqë kënga është shumë e mirë”, ka thënë Babuka./Telegrafi/