Jay-Z takohet me Obamën në Shtëpinë e Bardhë

Reperi Jay-Z ka zbuluar se ai e ka vizituar Presidentin amerikan Barack Obama në Shtëpinë e Bardhë.
Ylli i muzikës hip-hop, i cili përkrahi kampanjën e presidentit, më herët kishte thënë se Obama ishte fans i muzikës së tij.
“Sapo kam ardhur nga Shtëpia e Bardhë”, raportohet të ketë thënë Jay-Z në fund të një koncerti në Washington, siç shkruan Washington Post.
Edhe zyrtarët e Shtëpisë së Bardhë e kanë konfirmuar vizitën dhe kanë zbuluar se yllit i ishte bërë një turne nëpër ndërtesë. Ai më pas kishte pasur një takim të pacaktuar me Obamën, i cili megjithatë nuk ka gjetur kohë të ndjekë koncertin e yllit të tij të preferuar./