Matt Damon i zhgënjyer me Obamën

nga Li12i-GG ARMY Wed 3 Mar 2010 - 1:38

Los Angeles, 3 mars – Aktori amerikan Matt Damon, i cili ishte pjesëmarrës në fushatën presidenciale të Barack Obamës deklaroi se është i zhgënjyer me punën e deritanishme të presidentit amerikan, raporton “Digital Spy”.
Damon shpjegoi se kishte pritur më shumë dhe për këtë është angazhuar në fushatën e Obamës.
“Politika është kompromis. Jam i zhgënjyer nga plani shëndetësor dhe rritja e trupave ushtarake në Afganistan”, deklaroi Damon për gazetën New York Daily News.
Megjithatë, ai shtoi se Obama meriton më shumë kohë.
Matt Damon, është i njohur për rolet në serialin aksion për Jason Bourne dhe filmin “Good Will Hunting”. Aktualisht po promovon filmin e tij më të ri “Green Zone”, për luftën në Iraku, i cili të në mars do të fillon të shfaqet në kinematë botërore