I ka hije kreu Shkëndijës

Shkëndija ja bëri qejfin Renovës vetëm për një dit të qëndrojë në kreun e tabelës së klasifikimit, pasi gjatë ditës së diel në ndeshjen derbi të javës, futbollistët e trajnerit Qatip Osmani arritën të mposhtin me tre gola Metalurgun.

Lojë e mirë, kualitative për tu parë nga tifozët e tubuar në shkallët e stadiumit të cilët nuk u dëshpruan në kohën e ftohtë nga djelmoshat “kuq e zinjë”.

Sedat Berisha futbollist i repartit të mbrojtjes arriti të zhbllokoj rezultatin që në minutën e 8’-të.

Pasimet e shkurta në mesfushë dhe depërtimet e shpejta janë arma e Shkëndijës të cilët e shfrytëzojnë në çdo ndeshje, njëherit administrimi i topit përgjat ndeshjes ishte në nivel të duhur. Kësisoj nuk i mundësuan kundërshtarit të rezikoj portën e Suad Zendelit. Rezultati final i pjesës së parë ngeli 1 : 0.

Në pjesë lojën e dytë, Feran Asani arriti të bëjë disa aksione të mira, ku duhet të ceket minuta e 52’. Një depërtim i sukseshëm i futbollistit në fjal në zonën kundërshtare gjuan dhe godet shtyllën topi, duke prekur këmbët e Petkovsit i cili tundë rjetën e vetë.

Goli i tretë dhe përfundimtar i kësaj sfide u vulos në minutën e 65’-të. Në skenë sërish Asani i cili filloj aksionin gjenë të lirë Ersen Saliu-n dhe ky pa asnjë problem të madh godet për 3:0.

Javën e ardhëshme futbollistët e Shkëndijës do të udhëtojnë në Kratovë për tu ndeshur me Sileksin, skuadër e cila pësoi në javën e 15-të nga Napredoku me rezultatin 1:0.