Ndeshja Teteks – Shkëndija luhet të mërkurën

Sfida kryesore e javës së 12-të në Ligën e Parë Futbollistike të Maqedonisë, mes Teteksit dhe Shkëndijës, do të zhvillohet më 3 nëntor, në orën 13.00, në stadiumin në Tetovë, njofton Alsat-m. Ky është vendimi i fundit i Federatatës Futbollistike, në koordinim me dy klubet tetovare , të cilët e kanë vlerësuar si sfidë me rrezik të lartë. Përballja Teteks – Shkëndija, duhej të zhvillohet gjatë ditës së shtunë, mirëpo Ministria për Punë të Brendshme në Tetovë, sipas drejtuesve të FFM-së, nuk ishte në mundësi, që të sigurojë rendin dhe sigurinë në këtë sfidë. Ndryshe në sfidën e parë në Tetovë, për shkak të incidentit të tifozëve të Teteksit, Shkëndija u dënua me zhvillimin e dy ndeshjeve, pa prezencë të publikut.