Ia fut dy këmbët në një këpucë

Ashley Cole duhet shumë të mundohet që lidhja mes tij dhe Cheryl-t
përsëri të funksionojë. Në fakt, këngëtarja ka bërë një varg të kushteve
për Ashley-n. Ai do të duhet të shmang miqtë e tij, pasi që Cheryl
konsideron se pikërisht shoqëria e tij janë fajtor deri diku për
telashet me të cilat u ballafaquan në të kaluarën.

Përveç kësaj, do të duhet të lajmërohet dy herë në ditë në mënyrë që
ajo gjithmonë ta dijë ku gjendet dhe me kë është. Edhe pse i adhuron
ndejat, futbollisti do të duhet të qëndrojë larg klubeve të preferuara.

“Cheryl nuk mund t’i durojë miqtë e tij. Është e bindur se ata janë
përgjegjës për të gjitha problemet. Po ashtu i pengojnë daljet e tij”,
zbuloi një burim i afërt me çiftin.

Sipas pohimeve të tij Cheryl sa më parë dëshiron të ketë fëmijë,
ndërsa Ashley për këtë sa më parë duhet ta rregullojë jetën e tij.
Fëmijët i janë prioritet këngëtares 28-vjeçare dhe dëshiron të lindë
para se t’i mbushë 30 vjet.