Si e ëma, ashtu edhe e bija

nga Vizitor Thu 12 May 2011 - 4:21

Më shumë se 25 vjet më parë, mamaja e saj Jerry Hall, plotësisht
lakuriqe në një vaskë, kishte zbukuruar ballinën e revistës erotike
“Playboy”, ndërsa tani Lizzy Jagger ka ndjekur hapat e së ëmës, duke
zhveshur të gjitha për këtë revistë dhe për çudi, ka marrë edhe bekimin e
babait të saj, rokerit të famshëm Mick Jagger.

Modelja angleze 27-vjeçe, paraqitet në ballinën e muajit qershor, ku
pjesët intime i ka mbuluar me një shall të tejdukshëm, ndërsa në faqet e
brendshme të revistës, ajo mund të shihet tërësisht lakuriqe, me pjesët
intime plotësisht të ekspozuara.

Edhe pse si e ëma, ashtu edhe babai në fillim ishin kundër këtij
vendimi, ata në fund kanë lëshuar pe dhe e kanë miratuar zhveshjen e
saj.

“Jam 27-vjeçe dhe ndjehem mjaft rehat me trupin tim dhe ekspozimin e
tij. Jam një femër e hapur”, ka deklaruar Lizzy, e cila gjithashtu
njihet si përkrahëse e nudizmit, kështu që zhveshja e saj nuk paraqet
kurrfarë- problemi.

Për këtë zhveshje të saj, ajo ka marrë një honorar rreth një milion
dollarë, por ajo thotë se nuk e ka bërë vetëm për para, por ka dashur të
ketë disa foto që i kujtojnë vitet e saj të 20-ta, ende pa lindur
fëmijë.