Pica i shpëton jetën 82-vjeçares

Pica i shpëtoi jetën një 82-vjeçareje në Shtetet e Bashkuara të Amerikës, raportoi ditën e sotme “Daily Mail”.

Banore e Tenesit, e moshuara porosiste që prej tre vitesh të njëjtën picë, në të njëjtën piceri, në shtëpinë ku jetonte e vetme.

Pasi ajo nuk telefonoi për tre ditë me radhë për të porositur ushqimin
e zakonshëm, piceria telefonoi policinë dhe i shprehu shqetësimin për
82-vjeçaren.

Policia, shpërtheu derën dhe gjeti zonjën të rrezuar në dyshime, pa
forca për t’u çuar. Ajo ishte e dehidratuar, pasi kishte tre ditë pa
pirë lëngje, por sipas spitalit ku u dërgua, do t’a marrë veten shpejt.

Nëse punonjësja e picerisë nuk do të kishte dhënë sinjalin, askush nuk do të kishte shkuar të ndihmonte të moshuarën e vetmuar.

”Ajo porosit që prej vitesh një picë të madhe me spec djegës, me brumë
të hollë dhe dy kola dietetike. Kur ajo telefon, ne vetëm sa ia
dërgojmë, pasi e bëjmë gati që më përpara.

Është një prej klienteve tona më të sjellshme dhe pa dyshim, më e
rregullta. Për këtë arsye, kur kaluan tre ditë pa na telefonuar, e
kuptuam se kishte diçka që nuk shkonte”, deklaroi pronari i picerisë së
preferuar të 82-vjeçares.