FIA “shpëton” Ferrarin

Ferrari ia del pa u “lagur” nga Gjykata e FIA-s në Paris ku sot u pyetën pilotët Alonso dhe Massa për parakalimin e dyshimtë të Gjermanisë që i “dhuroi” fitoren spanjollit. Federata Automobilistike Botërore ka konfirmuar gjobën prej 100 mijë dollarësh por nuk ka vendosur asnjë penalitet shtesë për kokëkuqen nga Maranello.

Gjatë garës së Gjermanisë në Hockenheim, mesazhi që stafi i dha brazilianit Massa ku lihej të kuptohej se ai duhej t’i hapte rrugën Alonsos, ngjalli shumë debate.