Goditje e radhës për Tiger Woods

Tiger Woods ka pësuar edhe një goditje të rëndë sa i përket
brendit të tij global, pasi ishte bërë e ditur se krijuesit e fushës së
tij të golfit kanë lënë punën.Golfisti më i mirë i të gjitha
kohërave ishte refuzuar edhe nga shumë sponzorë të tjerë pas problemeve
në jetën private dhe skandaleve të një pas njëshme seksuale. Por, kjo
duke të mos jetë e tëra pasi tashmë edhe zhvilluesit e projektit të
fushës private të tij të golit kanë ndalur punën, gjithnjë sipas
Guardian.
Projekti i vlefshëm 1.1 miliard dollarë është dashur që të hapej në
fund të vitit 2009, por kriza financiare e shtyri inaugurimin.
Sidoqoftë, shpresat e Woods që ta sheh të kompletuar kompleksin e tij në
një të ardhme tani janë shuar, pasi Dubai Properties ka lëshuar një
komunikatë ku ka bërë të ditur ndalimin e përkohshëm të punimeve.
Pos fushës së golfit, ishte planifikuar që në këtë kompleks të
ndërtohej një restorant, një hotel dhe butik. Vitin e kaluar Woods humbi
disa prej sponzorëve më të mëdhenj si AT&T, Accenture, Gillette dhe
Golf Digest, edhe pse Nike vazhdon të qëndrojë ende me të. /Telegrafi/