Edita së shpejti me video-klipin e radhës

Këngëtarja Edita Sopjani, e cila së fundmi është paraqitur me
këngën “Stilin” në bashkëpunim me grupin “Aga Sound”,në një prononcim
për Telegrafi.com ka bërë të ditur se është duke u përgatitur për
video-klipin e radhës.Kënga titullohet “Plus-Minus” dhe ajo
është ritmike. Këngëtarja ka treguar se është duke menduar që
video-klipin ta xhirojë jashtë vendit.
Sopjani ka zbuluar se kënga është punuar nga Artan Kastrati dhe
orkestruar nga Valdet Sopjani, ndërsa klipin do ta realizoj me
produksionin “Frames”. Edita ka shtuar se xhirimet për këtë video-klip
do t’i bëj jashtë vendin, por pa saktësuar se ku.
Edita ka treguar se është ndarë shumë e kënaqur me këngën dhe ka
shprehur besimin e saj se video-klipi do t’i jep edhe më shumë jetë
këngës.
“Me këngën jam e kënaqur është një këngë ritmike dhe e kapshme për
dëgjuesit. Sigurisht se edhe video-klipi do t’i jep jetë më shumë këngës
dhe besoj që do të del diçka e mirë dhe e pëlqyeshme nga ana publikut”,
ka përfunduar Edita. /Telegrafi/