Edita - profesion të dytë gazetarinë

Nëse Edita Sopjani nuk do të kishte zgjedhur muzikën si profesion, atëherë ajo do të bëhej koreografe apo gazetare.“Nëse nuk do ta kisha zgjedhur muzikën si profesionin timin, kam menduar që zgjedhja ime do të ishte të bëhem një koreografe shumë e mirë, po edhe një gazetare pse jo, meqë po e studioj tashmë këtë lami”, është shprehur Edita për Telegrafi.com.Javë më parë Edita ka realizuar këngën “Stilin” në bashkëpunim me “Aga Sound”, dhe është ndarë shumë e kënaqur nga ky realizim.“Kënga është realizuar para pak jave nga Çekiç Blero dhe F-kay në studion Str8t Dope Entertaimant. Kënga është pëlqyer shumë nga audienca, e them këtë sepse kemi marrë shumë komente të mira në lidhje me këngën dhe klipin dhe kjo në një farë mënyre e karakterizon punën tonë. Unë personalisht brenda kësaj kohe që ka dal kënga dhe klipi kam pa që është transmetuar shpesh dhe jam e kënaqur”, ka thënë Edita. /Telegrafi/