Familja Renova, tenton të vrasë tifozin e Shkendijës

Tetovë – Në derbin e së dielës, në mes të ekipeve Shkëndija – Renova, ka ndodhë edhe një incident, me ç‘rast është përdorur edhe arma e zjarrit. I biri i pronarit të ekipit futbollistik Renova, ka nxjerrë pistoletën duke shtënë me një plumb, në një zënkë me tifozët e rivalit kundërshtar, Shkëndija, kanë informuar Ministria e Punëve të Brendshme (MPB), transmeton gazeta Lajm. Pas ndeshjes derbi të ekipeve shqiptare, një pjesë e tifozëve të ekipit të Shkëndijës kanë festuar dhe në të njëjtën kohë, e kanë ndezur një fanellë të kundërshtarit Renova. Në afërsi të ngjarjes ka ndodhur i biri i pronarit të Renovës dhe i kompanisë homonime nga Xhepçishti. Sipas “Ballistëve”, fillimisht ai është zënë me tifozët duke i pyetur se pse e ndezin fanellën, e më pas, nga vetura e tij ka nxjerrë pistoletën dhe ka shtënë me një plumb. Gjatë kësaj, “Ballistët” kanë filluar të ikin duke ia treguar policisë versionin e tyre, ndërsa policia është duke gjurmuar pas autorit. Para disa vitesh, i biri i pronarit të KF “Renova” ishte sulmuar dhe rrahur nga “Alfat” e Shkupit, pas ndeshjes mes Rabotniçkit dhe Renovës në Shkup.