Sinqeriteti ndaj vetes, çelësi i një lidhjeje të lumtur

Personat të cilët e shohin veten qartë dhe objektivisht
krijojnë lidhje më të mira dashurie, sepse flasin në mënyrë të
drejtpërdrejtë dhe të sinqertë me partnerin e tyre.“Nëse
njeriu është i sinqertë ndaj vetes, e ka më të lehtë që të krijojë
intimitet në lidhje dhe kjo e bën lidhjen më të plotë dhe më
kualitative”, thotë udhëheqësja e një hulumtimi të realizuar nga
Universiteti i Ohios, Amy Brunell.
Ekspertët kanë analizuar 62 çifte, me ç’rast participantët kanë
plotësuar pyetësorë dhe janë përgjigjur në pyetjet lidhur me veten e
tyre, partnerin dhe lidhjen në përgjithësi.
Është zbuluar se për një lidhje kualitative është shumë me rëndësi që
njeriu ta njohë veten dhe të jetë i sinqertë me vetveten.
Ata të cilët kishin krijuar lidhje të sinqertë me vetveten, kishin
qenë më të suksesshëm edhe në ndërtimin e lidhjes romantike.
“Është e qartë se çelësi i një lidhjeje të lumtur dhe të shëndoshë
është sinqeriteti ndaj vetes”, ka përfunduar profesoresha Brunell.
/Telegrafi/