Opera 10.50 sjell një varg përmirësimesh

Shfrytëzuesit e kompjuterëve me sistemet operative Windows që nga sot mund të shkarkojnë versionin më të ri të shfletuesit të internetit Opera i cili ka arritur deri tek versioni 10.50. Pos ndryshimeve kozmetike, Opera e re sjell edhe një varg përmirësimesh në punë.
Vetëm disa javë kanë kaluar pas paraqitjes së versionit Alpha të Opera 10.50 deri tek ai përfundimtar, për të cilën gjë një pjesë e madhe e meritës i takon Microsoftit, respektivisht urdhëresës së Bashkimit Evropian sipas të cilës gjiganti softuerik duhet t’u mundësojë përdoruesve që të përzgjedhin në mes të shfletuesve të internetit.
Sipas pohimeve të programuesve të cilët kanë punuar në të, Opera 10.50 është shfletuesi më i shpejt që kanë prodhuar ndonjëherë, e ky version është edhe më i shpejtë se shfletuesit tjerë në treg. Ky shfletues është përmirësuar edhe nga pikëpamja kozmetike.
Shfletuesi shfrytëzon edhe JavaScript-in më të ri dhe përshpejtësuesin grafik me të cilën gjë qasja në përmbajtjet e internetit është bërë edhe më e shpejtë.