Berisha: Do të sjell një nga superyjet e muzikës

Kryeministri i Shqipërisë, Sali Berisha ka mbajtur mbledhjen e
zakonshme të Qeverisë së Republikës së Shqipërisë, teksa protestat e
opozitës nuk kanë të ndalur. Megjithatë, ‘Sala’ gjeti kohë të fliste dhe
pos tjerash të premtonte një mega koncert me një prej superyjeve të
muzikës botërore.“Duhet që të kontraktohet një superyll i
muzikës. Cili ose cila është do ta zgjidhni vetë, por natyrisht se duhet
të jetë ai ose ajo që e duan shqiptarët. Rihanna, Lady Gaga ose
Shakira, këto janë preferencat e mia. Superyjet duhet të sillen, duhet
të bëhet një aktivitet i fuqishëm. Mund të zgjidhet një qytet, si
Durrësi apo Vlora, por duhet të organizohet një eveniment madhështor”, u
shpreh Berisha.
Në fund të vitit të kaluar kishte zëra të cilat thoshin se Rihanna do
të këndonte në një koncert të organizuar në Shqipëri, por pasi ato
spekulime kishin ‘rënë në ujë’, tani Sali Berisha ka vendosur t’ua bëjë
një befasi të mrekullueshme shqiptarëve. /Telegrafi/