FMB-ja VAZHDON TË INJOROJË INCIDENTIN

Federata e Basketbollit të Maqedonisë vazhdon të injorojë incidentin e ndodhur në takimin Rabotniçki-Liria, kur përveç sulmit ndaj basketbollistëve të Lirisë, u gris edhe flamuri kombëtar shqiptar.

Për parragullsitë e shfaqura në takimin e 22 dhjetorit, FBM-ja dënoi Rabotniçkin me një suma qesharake në të holla, gjithsej 39 mijë denarë. Ndërkohë drejtuesit e Lirisë paralajmëruan federatën, duke u ankuar në dënimin minimal, ndërsa pasi sonte skadoi afati i fundit për shqyrtimin e këtij rasti, nga KB Liria paralajmërojnë se do të ndërmarin të gjithë masat, deri sa të plotësohet drejtësia. Drejtuesit e Lirisë sot nxorën fakte të reja filmike ku vërehet qartë sulmi i publikut ndaj basketbollistëve, ndërsa sharjet dhe ofendeimet në baza nacionale e racore nuk u ndalën gjatë gjithë kohës. Kryesia e klubit të basketbollit Liria ndjehet e zhgënjyer nga ngjarjet e e fundit dhe planifikon pamjet filmike në ditët në vazhdim t’i publikojë në media, ndërsa të njëjtat do të dorëzohen edhe tek Federata Europiane e Basketbollit, avokati i popullit, Ambasada amerikane dhe te të gjitha instancat tjera kompetente.