BMW përgatit serinë 3 GT

Prodhuesi bavarez do t’i ofrojë tregut edhe versionin Gran Turismo të serisë 3.

Në bazë të njëjtës formulë sipas të cilës është dizajnuar dhe ndërtuar GT versioni i serisë 5, ky model do të duhej t’u ofrojë blerësve një lidhje në mes të elegancës dhe praktikës.

Sipas pohimeve të burimeve të mirinformuara seria 3 GT në treg do të duhej të arrinte gjatë vitit 2012, derisa në ofertë do të kategorizohet në mes të versionit limuzinë dhe karavan..



Praktikës së tij gjithsesi do t’i ndihmojë edhe mundësia e hapjes së dyfishtë të bagazhit (sikur tek Skoda Superb), e motorizimi në një masë të madhe do të duhej të bartej nga versionet e “rëndomta”. Pritet që sistemi i peshimit dhe frenimit do të përpunohen në mënyrë që automjeti të përballet me lehtë me masën e shtuar, respektivisht që në përfundim të ofrojë aftësitë e njëjta të vozitjes sikur tek versioni limuzinë.

Se si do të mund të dukej në përfundim ky automjet mund të shihni në fotografinë e mësipërme të përpunuar. /Telegrafi/