Xhaferi: Maqedonia në prag të destabilizimit

Tetovë – Partia Demokratike Shqiptare vlerëson se zhvillimet e fundit në vend mund të destabilizojnë situatën e përgjithshme në Maqedoni. Stabiliteti mund të rivendoset vetëm përmes ndëshkimit të politikës udhëheqëse. Kështu deklaroi Kryetari i Kuvendit qendror të PDSH-së, Arbër Xhaferi para mbledhjes së Kuvendit partiak, transmeton Alsat-m.
PDSH-ja i vlerëson të dëmshme për proceset në vend dhe pozicionin e shqiptarëve, projektet si ‘Shkupi 2014’, politikat buxhetore, çështjen e dosjeve dhe zhvillimet në sferat tjera.
“Shqiptarët janë të pakënaqur për këto tendenca për anulim të të drejtave që i kanë fituar deri tani.
Në këtë vij PDSH-ja, me informim të drejtë do përpiqet që ta sensibilizojë opinionin për temat që për ne janë shqetësuese siç është ndarja jodrejtë e buxhetit, imponimi i disa qëndrimeve që nuk përputhen me marrëveshjet paraprake të arritura si me shqiptarët ashtu edhe me faktorin ndërkombëtar” tha Arbër Xhaferi, kryetar i Kuvendit qendror të PDSH-së.