Të zhdukur në det për 50 ditë

Pas 50 ditësh të zhdukur me një barkë të vogël në Oqeanin Paqësor, tre të rinj, që ishin konsideruar të vdekur, janë shpëtuar.
Ishin zhdukur nga ishulli i Tokelau, në Zelandën e Re dhe pas kërkimeve të shumta të rinjtë u konsideruan të mbytur dhe për ta ishte zhvilluar edhe ceremonia mortore.

Ata janë shpëtuar nga një peshkarexhë në verilindje të Figi-t dhe ishin në gjendje të mirë shëndetësore.

I vetmi ushqim i tyre ishte një pulëbardhë që e kanë ngrënë të gjallë.