Agim Gashi..

PSE MOJ VDEKJE?...

Pse moj vdekje vdiqe para meje,
E ma bëre jetën shkrumb e hi!
Pse s´më more mori spari mua
Po më le t´jetoj pa dashuri!
Oh! Vdekje, vdekje-sa e mirë je ti,
Çka të duhet jeta-oh pa dashuri!
Pse moj vdekje mua më kalove,
E më le të vuaj në ketë jetë!?
Përveq vuajtjes edhe vajit,
Asgjë mue s´më ka mbetë.
Oh! Vdekje, vdekje- sa e mirë je ti,
Çka të duhet jeta- oh pa dashuri!
Ah moj vdekje po ta qoj një fjalë,
Eja e kthema ti mu lumturinë,
Ose merrma o ti jetën mua,
Ose kthema ti mu dashurinë!
Ndëgjoni o pleq, ndëgjoni ju të ri,
Nuk kalohet jeta, o pa dashuri!

O BILBIL I MALIT

O bilbil i malit,
Ti që po këndon
Ore zanin tim
A nuk ma ndëgjon.
A nuk ma ndëgjon,
A nuk don të flet,
Zemra mu ka nxi
N´shpirt e kam nji dert.
Unë pata shumë shokë,
Tani skam as miq,
Vetë e pata fajin
T´gjithe mu banë „anmiq“!
Vinin shokët vinin,
Pleq edhe të ri
U bëja meze t´mira,
Verë edhe raki.
Tani jam hargjue,
As buk s´kam me ngranë,
Nji shok të asaj kohe
Kund ma smund e gjan.
Ikën dhe u tretën,
Kështu e ka dynjaja
Me hangër e me pi
Ska te fukaraja.
O bilbil i malit
Mos të shti n´merzi,
Thuaja kangës tane,
Mos mu tret dhe ti.
Do mbledhi kokrra meli,
Në fusha e vrri,
Mos e ndalsh ti kangën
Ato ti jap Ty.

NJË DITË T`BUKUR

Një ditë t´bukur t´ksaj pranvere,
N´pishat e Deçanit,
Vasha e bukur malësore
I jep besën djalit.
Aty u dha besa,
E u lidh miqësia,
Aty u shtri dora,
Lindi dashuria.
Një ditë t´bukur t´ksaj pranvere,
Pranë lumit të kulluar,
Po qëndrojnnë vasha e djali
Të dy të dashuruar.
Aty u dha besa
E lidh miqësia,
Aty u shtri dora
Lindi dashuria.
Një ditë t´bukur t´ksaj pranvere,
N´livadhin e lulëzuar,
Po qëndrojnë vasha e djali
Të dy t´besatuar.
Aty u dha besa,
E u lidh miqësia,
Aty u shtri dora,
Lindi dashuria.

Fati

një ditë me diell
me erë e me shi
një ditë si çdo ditë
e klimës Gjermane
e klithmës së nënës
e vdekjes e lindjes
e tmerrshme e llahtarshme
e vrasjes e masakres
e Ruandës e Çeçenisë
e Sarajevës e Bihaqit
e Kosovës në robëri
me tanksa e ushtri
Evrova e „lirë“
nuk mund të frymoj
pa derdhje gjaku

QOHU POPULLI IM

Nëpër këtë tokë e mbi këtë popull
Kaluan dhe na shkelën hordhi më të pista
Që bota skishte parë gjëkundi
Çizme jeniqerësh e osmanllinjë
Bullgar
Grek
Italian e gjerman...
Armik të mirë mirë nuk ka
Por ndër ta më barbarët ishin sllavët
Të cilët ne sot i imitojmë…

Një ditë në liri
Vetës i bëjmë robëri
A mos vallë kjo tokë
Ky popull

TA ZHDUKIM GJAKMARRJEN

Eshtë një plagë që na rëndon,
Eshtë një plagë që peshë na qon,
Eshtë kjo plagë e ndytë sa ska
Kur po vritemi vllau me vlla!

Dhe zëri fmijëve në kup të qiellit
Po dëgjohet në tërë Arbërinë,
Tash sa vjet se kanë pa diellin
Bisedojnë me Zojë Malsinë!

Ah Malsi moj Zojë e vjetër
Pse ma humbe gjakun tim,
Pse ma vratë n´pusi baba...

Agim Gashi shquhet si kengetar dhe poet,keto kane lidhmeri te forte njera me tjeter,vetem nje poezi e mire,ofron nje kenge te mire