FIFA diskualifikon Serbinë?

Nëse nuk do të ketë të papritura, vendimi i Komisionit Disiplinor të UEFA-s, që do të mblidhet ditën e premte, do të jetë një goditje e rëndë për kombëtaren serbe, pas dhunës në stadiumin “Marassi” të Xhenovas, ku u dogj edhe flamuri shqiptar. Një gjë e tillë është shkruar sot në të përditshmen e Beogradit “Sportski Zurnal”, ku bëhet e ditur se Federata Serbe do të marrë një ndëshkim ekzemplar për aktet e rënda në ndeshjen Itali-Serbi.

“Përveç fitores

3-0 në tavolinë për Italinë dhe 3 ndeshjeve me dyer të mbyllura, UEFA do t’i japë Serbisë edhe një penalizim me heqjen e 3 pikëve në renditjen e grupit C”, shkruan kjo gazetë. Kjo do të thotë se shanset që Serbia të kualifikohet, të bëhen praktikisht zero.
“Në këtë pikë mund të përqendrohemi te përgatitja e skuadrës për Botërorin 2014”, shkruan më tej gazeta serbe. Në grupin C, Italia ka 7 pikë, pa ato të ndeshjes me Serbinë, Sllovenia 7, Estonia 6 dhe Irlanda e Veriut 5.