Shtyhet fundi i botës

Fundi i botës mund të shtyhet, por jo për shumë kohë.
Sipas kërkuesit Gerardo Aldana, i Universitetit të Santa Barbaras në Kaliforni, arkeologët modernë kanë gabuar në konvertimin e datës që sipas fisit Maja, do të sillte fundin e botës. Përllogaritjet e Aldanës bëjnë të ditur se fundi nuk do të jetë në 21 dhjetor 2012.

Shkencëtarët Maja ishin në gjendje që përmes vëzhgimeve direkte dhe të detajuara të qiellit, të zhvillonin analizat nëpër gurë.Kalendari Maja është konvertuar me kalendarin tonë dhe shkencëtarët i janë referuar mjaft.

Studimet e reja të Aldanës propozojnë lexim të ri të profecitë apokaliptike të Majave. Kështu qetësohuni, pasi fundi i botës nuk do të jetë në 2012 por 50 ose 100 vjet më vonë. Shpjegimin e jep në një kapitull të librit të tij të ri "Calendars and Years II: Astronomy and Time in the Ancient and Medieval World". Aldana duket i bindur se data është llogaritur gabim, duke i dhënë më shumë shpresë për jetëgjatësi atyre që kishin besuar në fundin e botës pas dy vitesh.