Firefox 4 shtyhet për 2011

Thuhej se shfletuesi i ri i Mozilla’s, Firefox 4 do të lansohej muajin e ardhshëm, por tani duket se data e paraqitjes së këtij shfletuesi të famshëm tani ka ndryshuar, dhe i njëjti nuk do të jetë në dispozicion për përdoruesit deri në fillim të vitit 2011.

Në vend të versionit final të këtij shfletuesi, kompania Mozilla gjatë muajit nëntor do të nxjerrë dy versione të mëtejshme beta për Firefox 4, dhe një në dhjetor, ndërsa nëse bazohemi në orarin e tyre të lansimeve, versioni përfundimtar do të jetë i gatshëm në janar të 2011.

Nëse nuk doni të prisni vitin 2011 për ta provuar Firefox 4, ju mund të shkarkoni versionin e tanishëm beta, para se Mozilla ta lirojë versionin përfundimtar.