Skandali tek “Qemal Stafa”

Ka rezultuar nje turp dhe nje demtim imazhi, ajo ndeshje miqesore mes Gramozit dhe Realit te Madridit ne Qemal Stafa.
Ne nje kohe kur u mendua qe do te promovohej emri dhe nje fytyre e bukur e Shqiperise dhe e kryeqytetit tone ne syte e gjithe mediave europiane dhe ne menyre te vecante atyre spanjolle nepermjet nje nder klubeve me te medha dhe me te suksesshem te botes, ndodhi krejtesisht e kunderta.

Ne baze te rregullores zhvillimi i nje ndeshjeje te tille me ndricim kerkohen tre linja, duke perfshire ketu edhe gjeneratorin i cili duhet te jete ne gatishmeri per emergjenca te tilla, por ne kete mbremje ne Qemal Stafa nuk kishte asnje linje rezerve dhe asnje gjenerator per te evituar kete turp.

Fati i zi i stadiumit tone kuqezi kete here me sa duket u percaktua nga nje brejtes. Punonjes te KESH-it thone se ka qene pikerisht nje mi ai qe ka ndryshuar fatin e ketij takimi te shumepritur per tifozerine shqiptare. I menjehershem duket se ka qene reagimi i qeverise, e cila duket te kete shkarkuar drejtorin e stadiumit zotin Perikli Dhales.

Pervec asaj qe treguan ne fushen e lojes lojtaret e Realit te Madridit dhe drejtuesit te cilet mbajten edhe ne 45 minutat e dyta te ndeshjes yjet si Kristiano Ronaldo apo Benzema, konfirmuan edhe nje here durim, ndoshta jashte cdo norme, profesionalizem dhe padyshim respekt ndaj atyre qe ishin te pranishem ne ate stadium.

Nje pjese e ketyre tifozeve kishin blere edhe disa here me shume bileten nga cmimi real per te qene te pranishem ne kete nate qe teorikisht duhet te ishte nje spektakel.

Per te gjitha keto ndoshta i detyrohemi nje faleminderit te gjithe drejtueseve te Realit te Madridit dhe yjeve te kesaj skuadre dhe ne te njejten kohe nje falje po kaq te madhe, qe ndoshta i kthyem shume pas ne kohe.