Godet gruan me thikë, arrestohet 21 vjeçari

Policia e Elbasanit arrestoi të mërkurën një 21-vjeçar pasi plagosi me thikë bashkëshorten e tij 18-vjeçare. Ngjarja e rëndë ka ndodhur në orët e para të mëngjesit të sotëm në lagjen ‘Brigada e 17 Sulmuese’, në qytetin e Elbasanit.
Policia tha se çifti ka debatuar ashpër me njëri-tjetrin, duke bërë
që në një moment 21-vjeçari Evelino Cërriku ta godiste me grushte dhe më
pas thikë në shpatull 18-vjeçaren, nënë e një fëmije, raportoi BW.
Nëna e re është shoqëruar në spital ku mësohet se është në gjendje kritike për jetën
21-vjeçari ka thënë se e ka qëlluar bashkëshorten për ta trembur, pas një debati për motive xhelozie./Telegrafi/