Në siklet të madh

Ish-bashkëshorti i aktores dhe këngëtares Jennifer Lopez, do ta
botojë video-xhirimin e tyre privat, ku ajo shihet lakuriqe në poza
provokuese.

Ohani Noa, me të cilin Lopez ishte një vit në martesë, e ka fituar
betejën gjyqësore dhe i është lejuar të botojë një grumbull të
video-incizimeve private gjatë kohës sa ata ishin në martesë.

Noa u ka deklaruar gazetarëve se posedon incizime në të cilat Lopez
pozon “gati tërësisht lakuriqe në poza sugjestive”. Ai posedon 11
vide-xhirime, në të cilat këngëtarja bën lojëra seksuale, bën dashuri me
të dhe pastaj grindet me nënën e saj.

Revista “National Enquirer" ka shkruar se në një video-seksi, mund të
shihen disa ‘skena të nxehta’, dhe kjo kur Jennifer shikon veten në
pasqyrë e veshur vetëm në brekë dhe flet me prapanicën e vet dhe kur hip
mbi motor me një fustan të tejdukshëm, nën të cilin i shihen pjesët më
intime të trupit.

Kjo nuk është hera e parë që kamerieri nga Miami, mundohet të fitojë
nga fama e ish-gruas së tij, por më herët e kishin penguar vendimet
gjyqësore. Lopez ende nuk e ka komentuar vendimin