Ell/Nikki: Duam ta bashkojmë Evropën

Eldar Gasimov dhe Nigar Jamal (Ell/Nikki) nga Azerbaixhani ishin
jashtëzakonisht të lumtur kur u shfaqën në konferencën për shtyp në
Dusseldorf Arena, duke brohoritur dhe valëvitur flamuj, natyrisht edhe
duke shfaqur trofeun e tyre fitues të Eurovizionit të sivjetmë.“Gjëja
e vetme që duam t’iu themi është se ju duam, ju faleminderit. Ne duam
ta bashkojmë Evropën me këngën tonë”, theksoi Eldar Gasimov në shenjë
falënderimi për fansat dhe në të njëjtën kohë duke iu përgjigjur pyetjes
së gazetarëve se nëse kënga e tyre do të ketë ndikim në zgjidhjen e
problemeve të mëdha në ‘kontinentin e vjetër’.
Me tekst dhe kompozim të Stefan Oern, Sandra Bjurman dhe Iain
Farquharson, kënga që përfaqësoi Azerbajxhanin arriti të grumbullojë
plot 221 pikë, duke fituar dhe kështu në fund Eurovision Song Contest
2011. Azerbaixhanit i takon e drejta e organizimit të festivalit vitin e
ardhshëm. /Telegrafi/