‘Shokohet’ Aurela

Pas eleminimit nga Eurovizioni, këngëtarja Aurela Gaçe e cila
përfaqësoi Shqipërinë me këngën “Feel the Passion”, është mbetur e shokuar pasi që nuk e kishte pritur të ndodhë një gjë e tillë, shkruajnë
mediat shqiptare.[/b]"Jam e shokuar. Kam pasur reagime të mira nga të gjithë dhe një performancë po ashtu të mirë, ndaj jam e habitur.
Interpretimi u duk mirë. Mendoj se nuk ka të bëjë me këngëtarin, nuk e di se me çfarë ka të bëjë”, ka thënë Aurela Gaçe menjëherë pas
s’kualifikimit në natën e parë gjysmëfinale të Eurovizionit. Me këtë këngëtarja shqiptare duket se i është referuar votimit të shumëpërfolur politik në Eurovision. Në fakt, është koha për të folur për nivelin e prezantimit të muzikës shqiptare në këtë festival. Në këtë pikë, komentet në forume të ndryshme kanë qenë të shumta. Po aq u referohen edhe polemikave që shpërthyen për çmimin e parë në edicionin e
49-të Festivalit të RTSH-së nga ku Gaçe doli fituese. /Telegrafi/