Adelina kthehet në Kosovë, këndon për Sali Çekun

E cilësuar si mbretëresha e muzikës moderne shqipe, Adelina Ismajli, është kthyer në Kosovë dhe, pavarësisht se është duke punuar për një projekt ndërkombëtar, ajo ka kënduar në një akademi përkujtimore. Sipas burimeve të afërta me këngëtaren, ajo ka anuluar gjashtë koncerte për të kënduar në akademinë përkujtimore të dëshmorit të kombit, Sali Çeku, ku ajo këndoi këngën e saj të parë. Në faqen e saj të adhuruesve, Adelina shkroi se ajo nuk i “harron dhe di t’i nderojë njerëzit e mëdhenj të kombit shqiptar”.Ajo është paraqitur me tesha të bardha, përderisa para të pranishmeve ka mbajtur edhe një fjalim, transmeton Zhurnal.