Ish-frontmeni i Iron Maiden të dënohet me burg

Frontmeni ‘origjinal’ i “Iron Maiden”, Paul Di’Anno, rrezikon që
të qëndrojë prapa grilave, pasi që është deklaruar fajtor për përfitim
me mashtrim.Rokeri, i cili u largua nga bendi në vitin 1981,
ka marrë beneficione në Angli që nga viti 2002, pasi kishte deklaruar
se nuk mund të punonte për shkak të një dëmtimi të një nervi të shpinës.
Paul Andrews (emri i vërtetë i Di'Anno) kishte qenë cak i hetimeve, pasi që ishte thënë se ai akoma po performonte në skenë.
Ndërkaq, ai e ka pranuar fajin në Gjykatën Mbretërore në Salisbury se
ka përfituar 45.000 funte duke mashtruar, ndërsa i është bërë me dije
se më 11 mars ai mund të dënohet me burg. /Telegrafi/