Pritje hyjnore për Lindën në Kroaci

Linda Halimi është dashur që më 28 janar të performojë krah për
krah me legjendën kroate Tereza Kesovija në festivalin për 50 vjetorin e
karrierës së divës kroate, ndërsa ashtu siç është pritur, zëri i ëmbël
kosovar doli të ishte edhe njëherë ambasador i këtij vendi.Linda
këndoi së bashku me Tereza Kesovijan këngën “Kur një ditë të kthehesh
ti” e cila ishte pika e fundit artistike në atë mbrëmje. Vet këngëtarja
kosovare nuk vonoi dhe shprehu emocionet e saj në Facebook.
“Oooh Idenë nuk e keni sa mirë më kanë pritur publiku…o zot pse
zgjohen njerëzit e vjetër në këmbë për mua, këtë vetëm këtu e kam parë.
Definitivisht jam emocionuar shumë dhe falë kësaj performance, Tereza
Kesovija do të vijë së shpejti në Kosovë për një koncert”.
“Jam shumë e lumtur që po bëj lidhjen artistike mes Kosovës dhe
Kroacisë. Faleminderit për mbështetjen, ju dua dhe ju çmoj pa fund”,
shkroi këngëtarja në Facebook.
Për detajet rreth paraqitjes së Lindës në festivalin e 50 vjetorit të
karrierës së Tereza Kesovijas dhe për vizitën e kësaj të fundit në
Kosovë, Telegrafi së shpejti do ta kontaktojë Linda Halimin, prandaj
qëndroni me ne. /Telegrafi/