Bim Bimma i kënaqur me klipin e këngës “RAW”

Reperi kosovar Bim Bimma, i cili s’ka të ndalur me sukseset e
tij të fundit, ka bërë të ditur për Telegrafi.com se është shumë i
kënaqur me suksesin e këngës së tij të fundit “RAW”, në bashkëpunim me
Dr.Mic.“Kjo është një këngë krejt ndryshe deri më tani. Jam
shumë i kënaqur me suksesin e kësaj kënge. Kjo këngë është vazhdimi i
këngës ‘Zani i skamjes’. Nëse e shikon klipin e këngës ‘RAW’ në fund unë
zgjohem nga një ëndërr dhe vazhdon me këngën ‘Zani i skamjes’, ku unë
në fillim të klipit zgjohem nga gjumi dhe e jetoj jetën këtu apo e
tregoj realitetin tonë”, ka pohuar Bim Bimma.
Reperi, i cili në fillim të vitit publikoi albumin “ Rra’jt”, ka
pohuar se është shumë i kënaqur me albumin e tij dhe ndihet i lumtur që
është duke u pritur shumë mirë nga publiku.
“Albumi i ka 2.000 kopje dhe vërtet jam shumë i kënaqur se si e kanë
pritur këtë album. Ka filluar edhe të shitet kështu që ndihem shumë
mirë”, ka thënë Bim Bimma.
Ai gjithashtu ka bërë të ditur që video-klipi i tij i ardhshëm do të
del së shpejti. Ky video-klip titullohet “Çu”, me të cilin iu drejtohet
qytetarëve të Kosovës.
“Kjo këngë ka të bëjë me realitetin e Kosovës, se si politikanët janë
duke manipuluar me popullin dhe ka shumë padrejtësi në vendin tonë,
prandaj unë ju bëjë thirrje qytetarëve me këngën ‘Çu’, apo zgjohuni.”,
ka përfunduar Bim Bimma. /Telegrafi