Minogue e pikëlluar pas përmbytjeve në Australi

Superylli i muzikës pop, Kylie Minogue, ka kërkuar nga fansat e
saj që të ndihmojnë viktimat e përmbytjeve në vendlindjen e saj në
Australi.Shteti i Queenslandit ka qenë më i dëmtuari nga
vërshimet, ndërsa kohëve të fundit përmbytjet po përhapen edhe në
drejtim të Victorias.
Mijëra banorë janë detyruar të largohen nga shtëpitë e tyre, ndërsa deri më tani së paku 25 njerëz kanë humbur jetën.
Minogue, e cila është rritur në Melbourne, është shokuar nga katastrofa natyrore dhe ka kërkuar përmes Twitter.com që të ndihmohen njerëzit nga vendet e përmbytura, dhe ajo njëherit ka shfaqur dhimbjen dhe mbështetjen e saj për ta. /Telegrafi/