The Game lëndohet gjatë xhirimeve

Reperi The Game është detyruar të trajtohet në spital të enjten
pasi e ka lënduar rëndë gishtin e tij të madh të dorës gjatë xhirimit të
një skene për një videoklip.Ylli i hip-hopit ishte duke
xhiruar një videoklp me Snoop Dogg në Los Angeles, ndërsa është dashur
që në një nga skenat ta godiste kitarën fuqishëm në tokë.
Por, ai e goditi aq shumë instrumentin në fjalë, sa që një pjesë e
mprehtë e plastikës depërtoi në gishtin e tij, duke bërë që gjakderdhjet
të ishin të hatashme.
Sipas TMZ, The Game, emri i vërtetë i të cilit është Jayceon
Taylor, u dërgua në spitalin më të afërt ku plaga e tij ishte qepur nga
mjekët. /Telegrafi/