Kontrolloni shtypjen e gjakut me qumësht

Një studim i ri i botuar në revistën "American Journal of Clinical
Nutrition", tregon se qumështi me sasi të vogël të yndyrës dhe
produktet e
qumështit po me sasi minimale të yndyrës, zvogëlojnë rrezikun e
shfaqjes së shtypjes së lartë të gjakut (hipertensionit) te personat e
moshuar.
Qumështi dhe produktet e qumështit i sigurojnë organizmit kalcium dhe
kalium dhe kanë rol të rëndësishëm në rregullimin e shtypjes së gjakut.


Duke u bazuar në këto rezultate, autorët e studimit pohojnë se qumështi
dhe produktet e qumështit (me përmbajtje të vogël të yndyrës) në
kombinim me
konsumimin e pemëve dhe perimeve, ofrojnë një pjesë shumë të
rëndësishme të ushqimit, i cili është i shëndetshëm për zemrën dhe enët
e gjakut.