Zac Efron - i vetmuar por i lumtur

Zac Efron është duke shijuar jetën si i vetmuar dhe nuk është duke dalë me Rumer Willis e as nuk e ka ringjallur lidhjen me Vanessa Hudgens.
Aktori i filmit “Charlie St. Cloud” u nda nga e dashura e tij e kamotshme, Vanessa Hudgens, muajin e kaluar dhe miqtë e tij tash kanë hedhur poshtë spekulimet se ai del me Rumer Willis, vajzën e Bruce Willis dhe Demi More, dhe thonë se ai është i lumtur kështu si është.“Zac u nda me Vanessa për të qenë ca kohë vetëm. Ai nuk ngutet për të krijuar një lidhje tjetër”, ka thënë një mik i 23-vjeçarit për faqen hollywoodlife.com.Sa i takon romancës së supozuar me Rumer, pasi dolën disa fotografi të tyre nga pushimet e Vitit të Ri në Karaibe, burimi ka shtuar: “Nuk do t’i lexoja ato [fotografi] si të qenit bashkë, por më shumë si miqësi”. /Telegrafi/