Hyundai i10 i ridizajnuar

Viti 2011 për modelin Hyundai i10 sjell edhe ndryshime në dizajn, ku pjesa e përparme është në përputhje me modelet ix35 dhe ix20, mbrojtësit e ri të baltës dhe drita të reja, ndërsa ndryshime në dizajn janë bërë edhe në interier. Është ndriçimi i ri i instrumenteve me nuancë të kaltër, mbulesat e reja të karrigeve dhe pllaka e re instrumenteve.

Modeli i ridizajnuar tani vjen me disa ngjyra të reja të karrocerisë. Edhe motori 1.1 litërsh me katër cilindra, që njëherësh është më i kërkuar në treg, gjithashtu ka pësuar përmirësime. Përkrah normës Euro 5, tani zhvillon 69 kuaj fuqi dhe moment rrotullimi prej 98 Nm. Harxhimi mesatar i deklaruar, është 4.7 litra në 100 km, ndërsa emetimi i gazrave CO2, vetëm 111 g/km.

Edhe performancat janë më të mira, ku shpejtësia maksimale është 156 km/h, ndërsa shpejtimi nga 0-100 km/h për 12.9 sekonda.