Dosjet e Wikileaks, Franca ishte kundër: Hyrja në NATO, dhuratë për Shqipërinë

TIRANE – Lajmifundit – Franca mesa duket nuk ka qenë dashamirëse për pranimin e Shqipërisë në NATO në prill të vitit 2009.Mes dokumenteve sekrete amerikane që janë bërë publike së fundi nga Wikileaks, thuhet se gjatë diskutimeve ndërkombëtare apo edhe në bisedat me palën amerikane, Franca kishte ndarë mendimin se Shqipëria kishte veçanërisht problem me korrupsionin.Sipas dokumenteve të bëra publike nga Wikileaks, Franca zyrtarisht kishte menduar se anëtarësimi në NATO, ishte një dhuratë që po i bëhej Shqipërisë, por qëndrimi i saj public kishte qenë pro, në ruajtje të konjukturave ndërkombëtare.
Dokumenti në fjalë ka të bëjë me një takim të zhvilluar më 16 janar 2008 në Paris, ndërmjet Xhozef Ud, nënndihmësi i Zëvendëspresidentit të Shteteve të Bashkuara për Çështje të Sigurisë Kombëtare dhe Filip Erreras, këshilltar i çështjeve strategjike i ministrit të Jashtëm francez, Kushner.
Shkresa në fjalë parashikohej të deklasifikohej më 16 janar 2018, flet ndër të tjera edhe rreth anëtarësimit të vendeve të Adriatik 3 që do të ndodhte një vit.