Rrezikon jetën nëse...

Në disa vende të ndryshme të botës, nëse nuk respektohet kultura, ritet e traditat një turist i huaj mund të rrezikojë shumë.
Dy kristianë në Algjeri u dënuan se nuk respektuan Ramazanin dhe konsumuan ushqim në orët e agjërimit.

Në Iran është e paligjshme muzika 'rock'. Në maj, në Teheran 80 të rinj u arrestuan pasi policia i kapi në flagrancë ndërsa po luanin muzikë të kësaj rryme.

Në Arabi ndalohet të puthesh në publik. Një djalë në Riad në 10 qershor u dënua më katër muaj burg pasi u filmua nga kamerat e një qendre tregtare, ndërsa puthte një grua.

Në Somali, burrat duhet patjetër që të mbajnë mjekër, ndërsa ata që refuzojnë u rrezikohet jeta.

Ndërsa në Sudan një grua u shpall fajtore për shkak të veshjes së saj dhe u ndëshkua me gjobë se kishte veshur një pale xhinse. Ajo u dënua edhe me 40 goditje me kamzhik, por u fal nga autoritetet.

Në Katar kush ecën në rrugë duke pirë alkool gjobitet, ndërsa ai që drejton makinën pasi konsumuar një pije arrestohet dhe cohet në burg.

Në Pakistan kush prek Kur'anin me duar të pista dënohet me 25 vjet burg dhe kjo i ka ndodhur një cifti së fundmi.

Por vec këtyre rregullave që për Perëndimin duken të cuditshme, ka edhe disa kode etike të këndshme për t'u respektuar në vende të tjera më të zhvilluara.

Kështu p.sh në Japoni nuk duhet të refuzosh kurrë kafenë që ta ofrojnë, kurse në Kinë është fyese të kërkosh biletën e vizitës nëpër xhepa, pasi duhet ta mbash atë me mirësjellje në duar.