SHKËNDIJA MIQËSORE ME BURSASPORIN

Skuadra e Futbollit ‘Shkëndija’ nga Tetova, do të zhvillojë përballje miqësore me kampionin e Turqisë, Bursapor. Lajmin e konfirmuan drejtuesit e klubit tetovar, të cilët theksuan se më 11 shtator në Tetovë, mysafir i klubit futbollistik do të jetë presidenti i klubit turk, Ibrahim Jazixhi, me të cilin do të caktohet termini i saktë i zhvillimit të sfidës miqësore në Tetovë. Në të njëjtën kohë, drejtuesit e klubit turk kanë kërkuar që Shkëndija të zhvillojë miqësore edhe në Bursë. Ndryshe, Bursaspor është pjesëmarrës në Ligën e Kampionëve, në Grupin C, së bashku me Mançester Junajted, Valencia dhe Gllazgou Renxhers.