Bangladesh: 62 milionë shfrytëzues të celularëve

Numri i shfrytëzuesve të telefonave celularë në Bangladesh është ngritur në pothuajse 62 milionë, thonë të dhënat zyrtare të publikuara të dielën.

Komisioni rregullator i telekomunikacionit të këtij shteti ka raportuar se numri i shfrytëzuesve aktiv i gjashtë operatorëve të telefonisë mobile në fund të korrikut të këtij viti ka arritur në 62 milionë, derisa në fund të muajit paraprak ai ka qenë gati 60 milionë, raporton agjencia e lajmeve DPA.

Derisa numri i shfrytëzuesve të operatorëve privat është në rritje, operatorin shtetëror, Teletalk, vetëm gjatë qershorit e kanë braktisur 130.000 klientë.

Që një kohë të gjatë operatorët janë duke kërkuar nga qeveria të heq pagesën për shfrytëzuesit e rinj prej 12 dollarësh, për të përmirësuar afarizmin e tyre në shtetin i cili ka 153 milionë banorë.