Kinezi bleu 99.999 trëndafila për dasmë

Dhëndëri kinez vendosi t’ia bëjë një surprizë nuses së tij e cila me siguri kurrë nuk do ta harroj. Kinezi Xiao Wang nga qyteti Chnogqing shpenzoi pagën vjetore për të blerë 99.999 trëndafila të kuq për nusen e tij Xiao Liu me të cilët mbuloi katër limuzina për ceremoninë e martesës. Kinezët besojnë se numri 999 sjellë fat.

Nëpërmjet internetit gjeti automobilat dhe vullnetarët të cilët do t’i ndihmonin për t’i ngjitur trëndafilat.

“Mu kujtua se Liu pëlqen trëndafilat dhe kështu më lindi ideja. Vetëm kur e pashë fytyrën e saj kur i pa automobilat e zbukuruar ia vlejtën mundi dhe paratë”, tha Wang, i cili për më shumë fat në martesë dhuroi 20 për qind të shumës së përgjithshme për blerjen e luleve për bamirësi.

“Para një viti pata thënë se më pëlqen një dasmë romantike. Ende nuk më besohet. Kjo është e mrekullueshme”, tha Liu.