ASUS bën gati Eee Tablet, para muajit tetor?

Drejtori i kompanisë ASUS, Jerry Shen të premten e ka
konfirmuar se kompania e tij është duke e zhvilluar versionin e EeePad
për Android. Pajisja pritet të jetë e gatshme gjatë muajit
mars të vitit të ardhshëm, dhe e njëjta do të ofrohet për një çmim më
të lirë se iPad i Apple. Çmimi i përfolur është 399 dollarë.
Ekzekutivët e kësaj kompanie e kanë mohuar se modeli i ri i Eee Pad
është i planifikuar si zëvendësim për modelin paraprak që bazohet në
Windows. Sipas Shen, edhe modeli i Windows do të jetë në treg, mirëpo
me një çmim më të shtrenjtë se ai me Android.

Shen gjithashtu ka thënë se kompania po bën gati edhe modelin Eee
Tablet, i cili do të vijë në treg me një çmim më të ulët, se sa që
është pritur. Thuhet se tableti i ASUS do të kushtojë rreth 300
dollarë, dhe sipas deklaratave të zyrtarëve të kompanisë pajisja do të
dal në treg gjatë muajit tetor.