Itali, arratisje spektakolare- dy shqiptarë dalin me çarçafë nga burgu

nga **Dewil** Tue 27 Jul 2010 - 9:52

Një arratisje spektakolare është cilësuar nga mediat italiane,
ajo e dy të burgosurve shqiptarë, të cilët vuanin dënimin në burgun e
Pizas në Itali.Bëhet fjalë për Roland Dedjan, 26-vjeç dhe
Bledar Shehun, 27-vjeç, të gjendur në burg nën akuzat e vrasjes dhe
vjedhjes, të cilët kanë mundur të largohen duke u varur në çarçafë nga
dritaret e burgut dhe ndërsa kanë dalë në rrugë, i kanë rrëmbyer
makinën tip Cherokee një gruaje duke fluturuar me shpejtësi.
Mësohet se deri tani, hetimet e policisë italiane rreth vendndodhjes
së tyre të re, nuk kanë pasur sukses dhe se makina e vjedhur e gruas,
nuk është gjetur ende.
Por thuhet se patrullat policore kanë mbushur çdo rrugë të qytetit
dhe madje çdo supermarket, pikë karburanti etj., duke aluduar se dy të
burgosurit, ndoshta nuk kanë të holla me vete dhe mund të bëjnë krime
të tjera në kërkim të parave të gatshme.
"Prej kohësh, i kemi denoncuar dobësitë serioze që paraqet burgu i
Pizas, por askush nuk ka treguar kujdes, duke e paguar këtë me çmimin e
disa arrative kohët e fundit”, është shprehur Donato Capece, sekretari
i sindikatës së policisë së burgut.
Sipas tij, sistemi i alarmit në muret e qarkut të burgut të Pizas
nuk është duke punuar, dhe mungesa e personelit të mjaftueshëm të
burgut, nuk i lejon aktivitetet e mbikëqyrjes përgjatë mureve të tij.