Interi fiton Superkupën në Itali

Kampioni aktual italian Inter ka dëshmuar se është favoriti kryesor për titullin e ri në Serie A, pas fitores me rezultat 3:1 në finalen e Superkupës përballë skuadrës së Romës.

Roma erdhi e para në epërsi përmes golit të Rise në minutën 21, por të përzgjedhurit e trajnerit të ri Rafa Benitez barazuan tre minuta para përfundimit të pjesës së parë me anë të golit të Goran Pandev.

Trofeun skuadrës së Interit ia siguroi me dy golat e tij kamerunasi Samuel Eto në minutat 70 dhe 80.

Ky është trofeu i parë për Interin në edicionin e ri të garave në Itali. Interi do të përballet të premten tjetër në Superkupën e Evropës ndaj Atletikos së Madridit.