Gjuha maqedone që nga klasa e I, Kushtetuesja rrëzon vendimin

Gjykata Kushtetuese ne Shkup rrëzoi vendimin e ministrisë së Arsimit
për mësimin e gjuhës maqedonase nga klasa e parë nga ana e nxënësve të
bashkësive etnike joshumicë në Maqedoni. Gjykata Kushtetuese ka
konstatuar se ministri i Arsimit, Nikolla Todorov, me vendimin e tillë
ka hyrë në kompetencat e Kuvendit, pasi sipas Ligjit për arsim fillor
që është në fuqi, mësimi i gjuhës maqedonase për nxënësit joshumicë
duhet të fillojë nga klasa e katërt dhe kjo me ndihmë të një arsimtari
te lëndes.


Nga ana tjetër ministri Todorov tha se është i çuditur nga vendimi i
gjykatës, ndërsa në një takim me gazetarët tha se ministria do ta
respektojë vendimin. Sipas Todorovit, Gjykata Kushtetuese nuk ka pasur
kompetencë që të vendosë rreth kësaj ceshtje. Iniciativa për shfuqizimin
e vendimit u morë nga Rinia Demokratike Shqiptare dhe organizata
joqeveritare ‘Realiteti’ që nga janar të këtij viti.