BMW X6 bëhet kupe

Armortech ka një ëmbëlsirë të re për entuziastët e automjeteve
me xhepa të thellë dhe thënë shkurt, ata që kanë shije të paktë për
estetikë. Duke marrë parasysh potencialin që ka tregu rus, shndërrimi i
automjetit crossover të BMW-së në kupe do të mund të bëhej një hit i
vërtetë.Ani pse ka të shumtë prej atyre që këtë përpunim e
shohin si të pakuptimtë, modifikuesi rus i automjeteve, Armortech,
është i sigurt për sukses vendor si dhe global. Prandaj nuk cudit as
vëmendja e madhe që i është kushtuar ripërpunimit, e puna është kryer
në mënyrë shumë profesionale.

Ndryshimet e bëra në këtë automjet nuk mbesin aspak prapa origjinalit.

Pos shndërrimit të karrocerisë ArmorTech ofron edhe elemente tjera
të dekorimit. Si rrjedhojë, pronarët e X6 do të mund të avancojnë
karakteristikat e motorëve, të integrojnë elemente sportive, si dhe
kanë në dispozicion një paketë të frenave më të fuqishme. /Telegrafi/