Shkruan fjalë të pista? Kompjuteri të dënon

Quhet Pepper Mouth
dhe është një pajisje teknologjike e projektuar nga Ultra Modern Life.
Ajo është ideuar nga një student që ka dashur të krijojë një metaforë
teknologjike të sjelljes së gjyshes, e cila kur e dëgjonte që fliste
keq, i vendoste piper në gojë.
Studenti quhet Ozge Kirimlioglu dhe
shpikja e tij synon t’i japë një zhvillim moralizues përhapjes së
vullgaritetit të rrjeteve sociale dhe blogjeve.

Mjafton të
lidhësh pajisjen e Ozge me kompjuterin nëpërmjet një USB-je dhe sa herë
që do të përdoret një fjalë e pistë do të ndizet një dritë e kuqe si
paralajmërim.

Nëse vazhdohet akoma, aparati i ngarkuar me
bombula me erë të keqe do të fillojë të lëshojë aromën mbytëse.